BUTUAN CITY- Mingsaad si President Ferdinand marcos Jr. nga pangunahan sa Pilipinas ang pagduso og panaghi-usa ug kooparasyon sa Association of Southeast Asian Nations taliwa sa tensyon sa Middle East ug hisgutanang kapintasan sa rehiyon. Sa pagbukas sa 48th ASEAN Summit, sigon ni President Marcos nga importanteng magkahi-usa ang mga sakop sa ASEAN aron masulosyonan ang kagubot sa Middle East nga naka-apekt na sa ekonomiya, komunidad ug pamatigayon sa Southeast Asia.
Gihatagan og ginbugatn ni Marcos ang importansya sa pagtinabangay sa ASEAN sa pagpakusog sa siguridad sa Enerhiya ug pagkaon. Lakip sa mga lakang nga gihimo sa rehiyon mao ang pagpalapad sa pamatigayon pinaagi sa mga miyembrong nasud, paggamit og renewable energy ug paggamit og bag-ong teknolohiya sama sa Artificial Intelligence sa Enerhiya ug sa Agrikultura.
Sa pagsaka usab sa presyo sa mga nag-unang palaliton, kinahanglang pakusgan sa ASEAN ang pamatigayon sulod sa rehiyon ug palambuon ang supply sa pang-agrikultura nga kayang mabatokan ang sunod nga krisis. Makatabang ang digital innovation aron sayo nga masuta ang kakuwangon sa supply, mapasaka ang production sa agrikultura ug mapa-ayon ang pagdesisyon sa mga gobyerno.
Nanawagan usab ang Presidente og mas pasapas nga koordinasyon aron maprotektahan ang mga katawhan sa ASEAN nga anaa sa Middle East, lakip na ang paghatag og dali-ang tabang panahon sa krisis.
Dungan niini, gipadayg usab ni President Marcos ang suporta sa ASEAN Leaders’ Declaration on Maritime Cooperation, lakip niini ang sugyot sa Pilipinas sa pagtukod og ASEAN Maritime Center kansa magsilbing sentro sa koordinasyon ug kooperasyon sa hisgutanang pangdagat sa rehiyon.
Kahinumdumang una nang gipadayag ni Foreign Affair Secretary Maria Theresa Lazaro nga importante ang deklarasyon aron mapakusgan ang relasyon sa mga nasud nga miyembro sa ASEAN sa pagtubag sa nagkandaiyang hagit sa kadagatan
