BUTUAN CITY – Aminado si Interior and Local Government Secretary Jonvic Remulla nga andam siyang muluhod sa International Police Organization kon InterPol aron lang makakuha og red notice batuk kang kanhi Ako Bicol Partylist Rep Elizalde ‘Zaldy’ Co, kinsa wanted sa ₱289.5-milyones nga flood control scandal.
Nasayrang hangtud karon, natanggong pa gihapon ang aplikasyon sa Pilipinas sa Interpol headquarters sa Lyon, France, diin nag-apply og asylum si Co.
Madumdumang gi-apply ang Red Notice Application niadtong Setyembre 2025, apan wala pa’ty approval gikan sa Interpol hangtud sa pagkutlo niini nga balita.
Sa iyang pag-atubang sa mga tigbalita kagahapon, gipadayag ni Remulla nga kung pwede lang siyang muluhod sa Interpol aron makuha kini, iya kining himuon.
Dugang ni Remulla, nagpuyo si Co sa usa ka 10-bedroom luxury house sa Champs-Élysées, Paris, nga gibana-banang nagkantidad og 200-milyunes euros kon bugti sa 14.2-bilyunes pisos.
