BUTUAN CITY – Gipagawas na ngadto sa publiko ang gika-ingong “suicide note” nga nakit-an matud pa sa kanhi kauban ni Jeffrey Epstein sa prisohan nga si Nicholas Tartaglione, human kini gitago sa vault sa korte sulod sa lima ka tuig isip kabahin sa laing legal nga kaso.
Kini human gimando sa hukom sa US district court nga si Kenneth Karas sa White Plains nga ipagawas ang sulat human mihangyo ang The New York Times ning miaging semana uban sa uban pang mga dokumento nga nalambigit sa kaso sa kauban ni Epstein sa selda.
Gamay ra kaayo ang nakahibalo bahin sa sulat hangtod nga gihisgutan kini ni Tartaglione, usa ka kanhi pulis nga karon nagsilbi sa tibuok kinabuhing sentensiya tungod sa pagpatay sa upat ka tawo, atol sa usa ka podcast ning miaging tuig.
Sigon ni Tartaglione, iyang nakit-an ang sulat sulod sa usa ka libro sa ilang selda human makit-an si Jeffrey Epstein niadtong Hulyo 23, 2019 nga adunay bedsheet nga naglibot sa iyang liog.
Ang mga mensaheng sinuwat ni Epstein, makahadlok ug makapaguol.
