BUTUAN CITY – Naka-deploy na ang mga personahe nga maghatag og seguridad pipila ka semana adiser magsugod ang Palarong Pambansa 2026 sa Agusan Del Sur.
Kini human sa malampusong Multi-Agency Send-Off Ceremony kagahapong adlawa nga nagpakita sa hugot nga koordinasyon aron mahimong luwas, malinawon og malampuson ang umaabot nga sporting event.
Sigon ni PCol. Yahya Bustamante Yusup, Provincial Director sa Agusan Del Sur Police Provincial Office wala silay nakitang kakulangon sa paghatag og seguridad ilabina kay sukad pa niadtong na-award sa Agusan del Sur ang paghost sa Palarong Pambansa 2026, duna nay serye sa mga panagtigum para sa preparasyon sa seguridad.
Apan gipaneguro sa opisyal kanunay silang andam ugaling dunay himoon nga kausaban sa paghatag og seguridad. Ang tanan matud pang madawat nga impormasyon ila kining e-evaluate og kung dunay rekomendasyon ila kining tagdon.
Magpatuman usab sila og DO’s and DONT’s sa mga playing venues og billeting quarters aron mobati og komportable ang mga atleta.
Duna nay mga nangabot nga advance party sa mga delegado sa Agusan Del Sur aron pagtan-aw sa lugar apan ang mga delegado laumang moabot sugod karung Mayo 11.
Nanawagan usab si PCol. Yahya Bustamante Yusup sa tanang katawhan dili lang sa Agusan Del Sur kundi lakip sa kasikbit nga mga probinsiya nga mo-assist kanila sa paghatag og seguridad og kaluwasan sa mga bisita og delegasyon.
Kini dayung pasalamat tungod kay hangtud sa pagkakarun, padayon ang ilang kumunikasyon sa kumunidad diin misanong matud pa sa ilang mga panawagan.
