BUTUAN CITY- Human sa pagboto sa House Committee on Justice, giandam na matud pa karon ang dokumento sa impeachment batok kang Bise Presidente Sara Duterte aron isumite sa plenaryo.
Sumala usab ni Antonio Tinio, Representative sa ACT Teachers Party-List nga adunay upat ka articles nga mahimong basihanan sa impeachment diin una na niini, ang alegasyon sa pagwaldas sa confidential funds nga nagkantidad og P612.5 milyon, ikaduha, ang isyu sa undeclared wealth sa Statement of Assets, Liabilities, and Net Worth kon SALN sa Bise Presidente, ikatulo ang bribery sa Department of Education, ug ikaupat, ang death threats batok kang President Ferdinand Marcos Jr. ug uban pang indibidwal.
Sigon ni Tinio nga ugaling malakip sa order of business, posibleng sa sunod simana, Lunes magsugod ang plenary debates ug botohan. Gibutyag usab niini, nga kinahanglang makakuha og 1/3 nga boto sa tanang miyembro sa Kamara, o kpain sa 106 ka boto, aron madala ang kaso sa Senado. Kumpyansa usab si Tinio nga makab-ot ang gikinahanglan nga boto tungod sa sistematikong proseso nga gihimo sa Committee on Justice.
