BUTUAN CITY- Giaprubahan sa House Committee on Justice ang committee report ug articles of impeachment batok kang Vice President Sara Duterte, diin 55 sa 55 ka miyembro nga mitambong sa hearing ang unanimously mibotar pabor sa mosunod nga proseso.
Sumala ni France Castro, kanhi representante sa ACT Teachers Party-List, nga kontento kini sa resulta ug giingon nga kini usa ka lakang padulong sa accountability. Sigon pa niini, igo ang oras nga gihatag alang sa due process, nga naglakip sa pag-review sa substance, form, grounds, ug upat ka hearing aron susihon ug hisgutan ang matag artikulo sa impeachment.
Gibutyag usab ni Castro, nga bisan giimbitar ang Bise Presidente sa mga sesyon, wala kini mitambong ug mas gipili ang paghatag og press conference human sa mga hearing. Sa panan-aw ni Castro, klaro nga gihatagan og husto nga panahon ang kampo sa Bise Presidente, ug ang desisyon sa komite nagpakita sa sistematikong pagdumala sa proseso.
