BUTUAN CITY – Mikalas og 10 katawo samtang dili moubos sa 76 ang samaron ang mga pag-atake sa drone ug missile sa Russia ngadto sa Ukraine.
Sumala sa opisyal sa Ukraine nga lima ka rehiyon sa tibuok nasod nagtaho og mga namatay samtang nagpadayon ang Moscow sa pag-target sa mga siyudad sa Ukraine pinaagi sa regular nga drone ug missile attacks.
Samtang ang Presidente sa Ukraine nga si Volodymyr Zelensky mibutyag nga tulo ka Russian oil tankers, usa ka warship nga nagdala og cruise missiles, ug usa ka patrol boat ang naigo sa mga pag-atake sa duha ka pantalan sa Russia.
Wala pay klarong detalye kabahin sa kadaot sa mga barko, apan gibutyag ni Zelensky nga ang mga tanker kabahin sa “shadow fleet” sa Russia nga gigamit aron malikayan ang mga sanction sa Kasadpan tungod sa full-scale invasion nga gilusad niadtong 2022.
Sigon usab sa air force sa Ukraine nga 269 ka drones ang gipabuto sa Russia sa kagabhion, apan 249 niini ang napahagsa.
Gikumpirma usab niini ang 19 ka direktang pag-igo sa drone ug usa ka ballistic missile ang miigo sa 15 ka lokasyon, ingon man ang kadaot nga nahimo tungod sa mga tipaka nga nahulog gikan sa usa ka drone.
Sumala sa mga opisyal sa Ukraine, tulo ka tawo ang namatay sa nagkalain-laing insidente sa rehiyon sa Kherson, samtang duha ka tawo ang namatay sa matag usa sa Odesa, Donetsk, ug Zaporizhzhia, ug usa sa Sumy nga rehiyon.
