BUTUAN CITY – Malampuson ang paglusad sa pinaka-unang International Hot Air Balloon Festival sa Naga City nga gisalmutan sa sobra napulo ka mga hot air balloons kansa gisaksihan sa libuang katawhan.
Sigon ni Raynor Rodriguez, City Disaster Risk Reduction and Management Office head sa maong siyudad, taliwa sa grabeng ka-init pag-abot sa udto, gidugok gihapon kini sa bagang duot sa katawhan apil na ang konsyerto pagka-gabii.
Kabahin sa selebrasyon ang puno sa kolor nga Candyland booth nga maoy sentro sa kalipay alang sa kabataan kondiin anaa ang managlahing dula, pagkaon ug aktibidad nga mahimo usab nga apilan sa mga hamtong.
Aron masiguro ang kaluwasan sa publiko, duna’y gimontar nga upat ka mga medical stations dungan sa pagpahinumdom sa tulo ka adlaw nga kalihukan nga mag-amping kanunay tungod sa padayong pagdagsa sa mga tawo.
