BUTUAN CITY- Nanawagan ang grupo sa mga mamumuo nga Nagkaisa Labor Coalition nga mosalmot sa ilang pagahimuong aktibidad karung adalwa dungan sa pagsilibrar sa Adlaw sa mga Mamumuo o Labor Day.
Sumala ni Atty. Sonny Matula, Presidente sa Federation of Free Workers, nga ang Nagkaisa Labor Coalition adunay mga inisyatiba sa Davao City, General Santos City, ug Cagayan de Oro, uban sa mga kaalyado sama sa Partido Manggagawa, Sentro ng Nagkakaisa at Progresibong Manggagawa, ug Federation of Free Workers.
Sa Visayas, ipahigayon usab ang mga rally ug marcha sa Cebu, Iloilo ug Bacolod. Nanawagan si Matula sa tanang mamumuo nga mahimong epektibo nga boses aron madungog sa Malacañang, pinaagi sa aktibong pag-apil sa Labor Day celebration. Gipunting niini, nga dili lang isyu sa suholan ug ayuda ang ipadayag, apan lakip usab ang panawagan nga arestohon ang mga korakot nga opisyal ug ipakita nga ang Labor Day usa ka Day of Action.
Gi-emphasize usab ni Matula, nga ang mga UNION adunay papel sa pag-organisa ug paghatag og bargaining power sa mga trabahante pinaagi sa Collective Bargaining Agreement, aron ma-usbawan ang sweldo, benepisyo, ug masulbad ang mga reklamo pinaagi sa grievance procedure.
