BUTUAN CITY- Gibutyag ni Jeffrey “Ka Eric” Celiz, Secretary General sa Bangon Sambayanan, nga klaro na nga ang National Bureau of Investigation kon NBI nahimong usa ka “weaponized institution” kansa gigamit aron magpahimulos sa gahum sa balaod batok sa mga politikal nga oposisyon.
Sigon ni Celiz, nga ang ahensya karon gigamit isip instrumento sa pagpangharas, pagpangduot, ug pagpanghadlok sa mga kritiko sa administrasyon, ilabi na human ming-ingkod si NBI Director Atty. Melvin Matibag nga nailhan isip usa ka “political operator” bisan paman sukad pa sa panahon ni Duterte. Dugang pa niini, nga mas napalapdan pa ang awtoridad ni Matibag sa paggamit sa balaod aron magpaka-aron ingnon nga kini kabahin sa iyang katungdanan isip lider sa law enforcement agency nga nag-atiman sa mga high-profile crimes.
Apan, matud ni Celiz, nga ang mga testimonya ug pamahayag ni Matibag kabahin sa usa ka “script” nga nagtumong sa pagduot ug pagpaka-ulaw kang Vice President Sara Duterte, nga kunwari gitabunan sa iyang awtoridad isip NBI Director, usa ka butang nga wala gibuhat sa mga miaging direktor sa ahensya.
Dugang pa ni Celiz, nga klaro nga tinuyo ug intentional ang gihimong bakak ni NBI Director Matibag aron makaporma og manipulasyon sa impormasyon ug maghimo og public opinion batok kang Vice President Sara Duterte. Sigon ni Celiz, nga gipakita ni Matibag nga kuno abusado sa prebilihiyo si VP Sara, apan dili tinuod ang iyang datos.
Pagklaro pa niini, nga si kanhi Vice President Leni Robredo adunay labaw pa sa 80 ka security personnel nga nationwide ang deployment ug cycle-based, samtang si VP Sara Duterte anaa sa ubos 400 o 500 ka security personnel, apan ang mga niini dili pinangayo kundi gi-organisa mismo sa Armed Forces of the Philippines kon AFP ug Philippine National Police kon PNP, gani sa panahon nga maayo pa ang koordinasyon sa UniTeam anaa sa kapin 200 ang nakalista apan cycle-based gihapon ug dili tanan dungan ang security escort. Gipasiugda usab ni Celiz, nga nag-inject ug distorted nga impormasyon ang mga pamahayag ni Matibag aron maghimo og negatibong public opinion batok kang Vice President Sara Duterte.
