BUTUAN CITY- Gibatikos ni German Chancellor Friedrich Merz ang Estados Unidos kalabot sa nagpadayon nga tensyon sa Iran, kung asa gibutyag niini nga na-uwawan ang Washington taliwa sa ming-igting nga krisis sa Middle East.
Sumala ni Merz, dili klaro ang strategy sa U.S. sa kasamtangang sitwasyon ug daw kuwang kini sa direksyon sa pakignegosasyon sa Iran.
Dugang pa sa opisyal, nga importante sa binsan unsang kagubot ang klaro nga plano dili lang sa pagsugod kundi lakip na usab sa paghuman niini.
Gitandi usab niini ang kasamtangang sitwasyon sa mga minglabay nga kagubot sa Amerika sa Afghanistan ug Iraq, diin matud pa niini nga gawas sa gastos nakapahimo usab og taas nga panagbangi sa Middle East.
Gipunto usab sa Chancellor, nga dako ang epekto sa krisis sa ekonomiya sa Germany ug sa Europa, hilabi na sa enerhiya ug galastuhon sa gobyerno.
Sigon pa niini, direkta niyang gipahayag ang iyang mga kabalaka kang U.S. President Donald Trump, ug dayong butyag nga mas grabe pa unta ang iyang pasidaan kon nahibal-an pa niya nga mograbe ang sitwasyon.
Samtang, gipadayag usab Merz nga andam ang Germany nga magpadala og mine-clearing vessels aron motabang sa pagbukas sa Strait of Hormuz, apan kinahanglan una nga mohunong ang away adiser kini mapadayon.
