BUTUAN CITY – Giklaro ni Senador Risa Hontiveros nga nagpabiling lig-on ang mga residente sa Pag-asa Island taliwa sa pagbabag sa mga barko sa China sa ilang pagpangisda sa ancestral fishing grounds.
Sa eksklusibong pakighinabi sa Bombo Radyo Philippines, nasuta nga aktibong naglihok ang lokal nga kagamhanan ug mga mangingisda aron pakigbisugan ang ilang panginabuhian samtang nagpadayon ang pag-asdang sa serbisyong panglawas ug edukasyon sa isla.
Sigon ni Hontiveros, nabati sa komunidad ang kalampusan sa Pilipinas sa arbitral award niadtong tuig 2016 ug gipasa kini ngadto sa kabataan isip kabahin sa ilang kasayuran.
Alayon niini, gi-asdang sa Senado ang West Philippine Sea Mandatory Education Bill aron palawmon ang kasayuran sa mga Pilipino sa kamahinungdanon sa pagpanalipod sa katungod sa nasud diha sa kadagatan.
Dugang pa sa senadora, nadugangan og P8.6 bilyon ang pondo sa Philippine Coast Guard karong tuiga aron pakusgon ang operasyon sa West Philippine Sea, apil na ang pagpalit og mga bag-ong barko.
Gibutyag usab niyang importante ang paghikyad og bag-ong Coast Guard district sa maong lugar isip tubag sa padauong pagsamok-samok sa China.
Gawas sa presensya sa gobyerno, gila-uman usab ang suporta gikan sa Simbahang Katolikao nga magtukod ong kapilya, apil na ang mga pribadong sektor ug civil society groups.
Alang kang Hontiveros, inspirasyon ang mga residente sa Pag-asa Island kinsa adlaw-adlaw’ng gikinabuhi ang panultihong “West Philippine Sea, atin ito.”
