BUTUAN CITY – Nagpabiling ubos sa normal nga lebel ang mahatag nga water supply sa Taguibo Aquatech Solutions Corporation kon TASC ngadto sa Butuan City Water District kon BCWD bisan pa man sa pagbundak sa ulan kagahapon.
Nasayrang sa karon, anaa lamang sa 32.25 million liters per day ang kayang mahatag sa TASC kansa tungod sa mubo ug ubos nga pressure sa tubig nga dili na kaabot sa mga lagyo nga lugar ang tubig rason nga adunay mga lugar nga walay tubig o hinay ang tubig.
Karon nga ubos ang suplay sa tubig, gi-awhag ang tanan nga magtinabangay sa pagdaginot.
Padayong gibuhat karon sa BCWD ang pagpa-andar sa ilang tulo ka pump stations, pag-ayo sa mga distribution lines ug pagpatuman sa Oplan Sag-ob sa Pump Station No. 1, sa may national highway sa Alviola Village, Barangay Baan Km. 3, ning syudad gikan sa alas-sais sa buntag hangtud alas 10:00 sa gabie.
