2 ka Amerikano, apil sa 19 nga namatay sa engkwentro sa Toboso, Negros Occidental

BUTUAN CITY – Gikumpirma sa National Task Force to End Local Communist Armed Conflict kon NTF-ELCAC nga lakip ang duha ka mga Amerikano sa 19 nga  napatay sa engkwentro sa Barangay Toboso, Negros Occidental.

Gi-ila ang mga biktima nga sila Lyle Prijoles ug Kai Dana-Rene Sorem. Sigon sa NTF-ELCAC, si Prijoels konektado sa Anakbayan USA sukad pa niadtong tuig 2012 kinsa mi-abot dinhi sa nasud karong tuiga, ka-uban si Sorem.

Tungod niini, nabalaka ang task force sa pagkalambigit sa mga foreign nationals sa mga local armed groups.

Nagpa-abot na usab og pahasubo ang NTF-ELCAC ngadto sa mga pamilya sa namatay’ng mga American nationals.

Madumdumang apil usab sa namatay sa engkwentro ang usa ka student activist, journalist ug researchers.