Gipanghimakak sa usa ka senior staff member gikan sa Tacloban-based office ni kanhi House Speaker Martin Romualdez isip “unfounded” o walay basehan ug “fake news” ang alegasyong mingsibat na pagawas sa Pilipinas ang magbabalaod, nga giingong buhat sa iyang mga kaatbang sa politika.
Sigon sa senior staff, nagpabiling anaa sa Pilipinas si Romualdez ug nagpadayon sa pagtuman sa congressional duties niini bisan wala pa mipatim-aw sa publiko.
Gihimo sa senior staff ang pagklaro kagahapon Biyernes, Abril 24 human ang mga agam-agam nga mingkuyanap online kansa nagbutyag nga mingtago na matud pa ang kongresista o mingsibat na sa nasud human sa pag-freeze sa iyang assets nga adunay kalabotan sa flood control anomaly. Sumala sa staff kansa mingbalibad nga magpa-ila, nga dili mobiya sa nasud si Romualdez ug aduan silay komunikasyon sa magbabalaod, regular nga minghatag og mga instruction ug gimonitor ang mga concern sa iyang distrito.
Ipadayun matud pa ang pagseserbisyo sa katawhan, bisan pa gipa-ilawon sila sa four-day work week arrangement, adunay mga personnel nga gitudlo matag Biyernes aron matubag ang mga mangayo og tabang. Sa pagkakaron, gipa-ilawom sa travel restriction si Romuladez human gi-isyuhan sa Sandiganbayan sa hangyo na usab sa Office of the Ombudsman, nga balibaran ang hangyo sa magbabalaod nga mobiyahe sa Singapore alang sa medical checkup.
