BUTUAN CITY – Misaka ang ihap sa mga langyaw nga miabot sa rehiyon sa Caraga.
Sigon ni Tiara Julia Santos, Assistant Regional Director sa Department of Tourism kon DOT-Caraga nga base sa datos niadtong 2025, misaka og 26 porsiento ang foreign arrival sa rehiyon nga nagpakita sa lig-on nga industriya sa turismo sa Caraga.
Kini bisan og dunay dyutay nga pagkunhod ang domestic arrival sa 6 porsiento.
Sumala sa opisyal nga padayong midagsa ang mga turista sa Caraga sa mga tourist destinations diin ang mga beaches ang nag-unang ginadayu.
Ang maong tourist arrival laumang magpadayon sa pagsaka karung panahon sa bakasyon bisan paman sa grabe ka-init ang panahon.
Tungod niini, ilang gi-activate ang operation center sa regional office diin kanunay kining nakig-alayon sa nagkadaiyang lokal nga kagamhanan aron mohimo usab og pagpangandam sa pagdawat nila sa mga bisita.
Gane gi-awhag nila ang pagmugna og tourist assistance desk sa matag LGU aron makahatag og dali nga assistance kung dunay mga bisita nga magkinahanglan og tabang.
