BUTUAN CITY – Balik na usab sa trono ang mga Cool Smashers human ang duha ka tuig.
Kini human nalabnot sa Creamline ang ika-11 nga korona gikan sa 25-23, 22-25, 25-16, 16-25, 15-11 pagkulata sa Cignal sa Game Two sa 2026 Premier Volleyball League (PVL) All-Filipino Conference Finals sa atubangan sa 17,360 fans kagabii sa Smart Araneta Coliseum.
Gikumpleto sa Cool Smashers ang 2-0 sweep sa ilang best-of-three championship series sa Super Spikers.
Subling gibandera nila Bernadeth Pons ug Jema Galanza ang opensa sa tropa ni coach Sherwin Meneses samtang ang mga krusyal nga block nila Tots Carlos ug Pangs Panaga sa fifth set ang nahimong yawe sa ilang kadaugan.
Una nang gisilhig sa Creamline ang Cignal sa Game One, 25-22, 25-18, 25-16, niadtong Martes.
Kini ang unang kampeonato sa Cool Smashers human magreyna niadtong 2024 PVL Invitationals diil gipildi nila ang Super Spikers, 3-2, aron makuha ang ika-10 korona.
