BUTUAN CITY – Anaa na karon sa finishing touches ang gitukod nga mga playing venues nga gamiton sa Palarong Pambansa 2026. Atol sa tulo ka adlaw nga final technical conference, gipadayag ni Agusan del Sur 2nd District Rep Eddiebong Plaza nga mu-abot sa kinatibuk-ang 42 ang mga playing venues ang gamiton kondiin 30 niini ang hingpit nang nakompleto ang konstruksyon rason nga magamit na samtang 12 ang wala pa matapos human nga 86-porsiento pa ang average physical accomplishment niini.
Gawas niini, plastar na usab ang security plan sa security cluster alang sa maong padula.
Gisugyot usab ni Rep Plaza, ang pag-adjust o pag-reschedule sa dula ilabina sa mga outdoor games higayong init ang temperatura aron malikayan ang mga heat-related illnesses.
Samtang gipadayag usab ni Governor Santiago ‘Santi’ Cane Jr nga mas gipahugtan sa provincial government ang suporta alang sa mga delegado aron masiguro ang ilang haruhay nga kahimtang atol sa nasangpit nga padula.
Ang matag-delegasyon, gahinan og tag-tulo ka mga vans aron magamit sa transportasyon sa mga delegado gikan sa ilang billeting quarters ngadto sa venue sa ilang mga dula.
