BUTUAN CITY- Ming-alarma ang kampo ni Vice President Sara Duterte sa mga pamahayag nga wala mingtakdo ang mga deklarasyon niini sa iyang Statement of Assets, Liabilities and Networth kon SALN sa aktwal nga bank transaction.
Sumala sa Defense Lawyer niini nga si Atty. Michael Poa, nga sayo pa arun maghatag og susamang conclusion sa isyu, hilabi na nga wala pa masayri kung asa ug unsaon pagkolekta ang mga dokumento. Paginsistar pa ni Poa, nga gilaoman na nila ang maong mga opinyon apan nanindigan usab matud pa sila sa tukma nga proseso sa mga balaod, mao nga sa pagsugod palang gidialogo na nila sa Korte Suprema aron malikayan nga ma–abusaran ang proseso, alang usab sa kaayohan sa pipila ka personalidad.
Kini usab matud pa ilang gibarogan mao nga wala na mingtambong si Vice President Sara Duterte sa mga hearing sa House Committee on Justice.
Gisiguro usab niini, nga ilang tubagon ang tanang isyu sa hustong forum.
Wala usab gi-uyonan ni Atty. Poa ang mga pamahayag nga vindicated na sa pag-akusar si kanhi Senador Antonio Trillanes IV. Alang sa abugado dili pa kini ang higayon aron makita ang vindication tungod ang mga nahitabo niadtong Miyerkules Abril 22, gipaagi lang sa presentation ug wala kini nagpasabot nga ang nakitang mga numero ming-exist.
Minghatag pa kini example sa kwartang gideposit ug sa wala magdugay na-withdraw, apan gikwenta usab sa uban isip managlahi nga kwarta aron lang kwestyonon.
