BUTUAN CITY – Gianunsyo ni U.S. President Donald Trump nga iya nang gilugwayan ang ceasefire sa Iran human maka-estorya ang Pakistan, samtang gipaabot pa ang usa ka “unified proposal” gikan sa Tehran.
Sigon ni Trump, magpabiling naka-extend ang ceasefire hangtud sa makapasa ang Iran sa ilang proposal ug matapos ang negosasyon sa bisan unsang pamaagi.
Taliwa niini, nagpabiling walay kaseguruhon ang hisgutanan sa pangkalinaw samtang nagkadool ang pagtapos sa uhd ka semanang ceasefire.
Tungod kay nagduha-duha pa ang Iran kung mosapil kini sa bag-ong panag-estorya og gibutyag nga dili madawat ang aksiyon sa Amerika lakip na ang nagpadayon nga blockade sa Strait of Hormuz.
Gikansela usab ni U.S. Vice President JD Vance ang nakatakdang pagbisita sa Pakistan para sa ikaduhang hugna sa negosasyon samtang ang ubang opisyal sa U.S. anaa sa konsultasyon pa kung unsaon sa pakig-estorya sa peace talk.
Samtang padayon ang paningkamot sa mga opisyal sa Pakistan nga magkasabot ang duha ka panig aron malikayan ang subling pagbuto sa giyera.
Sa karun nagpabiling abli ang posibilidad sa bag-ong negosasyon o subling pagdako sa tensyon samtang gipaabot ang desisyon sa Iran ug Estados Unidos.
