BUTUAN CITY – Gipadayag ni Iranian parliamentary speaker Mohammad Bagher Ghalibaf nga nangandam na ang ilang kagamhanan og bag-ong mga card sa battlefield, higayong ibalik na sa Amerika ang giyera.
Kini samtang mu-expire na ugmang adlawa ang ceasefire tali sa duha ka mga nasud kansa gihulagway ni US President Donald Trump nga extension sa iyang unang gihanyag nga ceasefire.
Nasayrang mubiyahe na padulong sa Pakistan si US Vice President JD Vance alang sa negosasyon nga himuon sa capital Islamabad apan ang Iran, wala pa’y kumpirmasyong magpadala sa ilang delegasyon.
Nasuta usab nga duna’y mga security checkpoints sa Islamabad samtang naglinya usab sa kadalanan ang mga posters nga duna’y tatak nga “Islamabad Talks.”
Naghulat na usab ang tibuok kalibutan sa mahimong mahitabo higayong mu-expire na ang ikaduhang ceasefire.
