BUTUAN CITY – Gihikyad sa legal counsel sa extrajudicial killings (EJKs) ug human rights lawyer Neri Colmenares ang duha ka legal nga basehan aron ipadayon sa International Criminal Court (ICC) ang imbestigasyon ug posibleng pagtaral batuk kang kanhe Pangulong Rodrigo Duterte, bisan og mihawa na ang Pilipinas sa Rome Statute niadtong 2019.
Sigon sa abogado, sa ilalom sa Article 127, nagpabilin ang obligasyon sa nasud sa mga kasong gisugdan samtang miyembro pa kini sa Rome Statue, lakip na ang preliminary examination nga gilusad niadtong 2018.
Samtang giila usab sa gobyerno ang hurisdiksyon sa ICC pinaagi sa mga nahimong aksyon niini lakip na ang pagsubmite sa mga dokumento niadtong 2021 ug 2022 nga mihangyu nga euktaba ang imbestigasyon.
Apan nagpasidaan si Atty. Colmenares nga kung tugutan ang kampo ni Duterte, mamahimong ma-aghat ang ubang lider nga molikay sa tulubagon pinaagi sa pag-withdraw sa ICC.
Samtang gibarugan sa mga pamilya sa mga biktima nga ipadayon nila ang away para sa hustisya.
Ugmang adlawa, Abril 22, bandang alas-11 sa buntag, oras sa the Hague o alas-5 sa hapon, oras sa Pilipinas, gilaumang ipagawas na sa Appeals Chamber sa ICC ang pinal nga desisyon sa apela sa mga abogado ni kanhe pangulong Rodrigo Duterte sa isyu sa hurisdiksyon sa korte sa iyang kasong crimes against humanity.
