BUTUAN CITY- Gipagawas na sa Department of Education (DepEd) ang opisyal nga school calender alang sa School Year 2026-2027. Sumala sa DepEd magsugod ang ting-skwela sa Hunyo 8, 2026 ug kini mahuman sa Abril 8, 2027.
Sa nasangpit nga school calendar pormal na nga gipa-ila ang three semester isip parte sa reporma kung asa tumong niini nga mapanindot ang pagtudlo ug ma-taplan learning gaps. Adunay kinatibuk-ang 201 ka adlaw sa tibuok school year kung asa bahinon kini sa tulo ka termino.
Matag termino magsugod sa opening period, instructional phase ug end-of-term activities. Ang first term lauman nga magsugod sa Hunyo 8 ngadto sa Hunyo 11 nga sundan sa regula classes sa Hunyo 15 ug mahuman sa Setyembre. Samtang ang ika-duha nga termino magsugod tunga-tunga sa Setyembre hangtud sa unang simana sa Disyembre kung asa mahuman ang end-of-term activities adsier ang holiday break.
Magsugod na usab ang ting-skwela sa Enero alang sa ikatulo nga termino ug kini mahuman sa kataposang simana sa Marso nga sundan na sa final assessments ug closing activities sa Abril 2027.
