BUTUAN CITY – Tataw nga usa ka fishing expedition ang pagahimoon karung Abril 22 nga pagdungog sa House Justice Committee diin ilang susihon ang Statement of Assets, Liabilities and Networth kon SALN ni Vice President Sara Duterte bisan kadtong mayor pa kini sa Davao City .
Kini ang nalantaw ni Atty. James Reserva, usa ka legal expert sa pakighinabi sa Bombo Radyo Butuan.
Sigon sa abogado nga ang nasangpit nga fishing expedition usa ka pagsupak sa ruling sa korte suprema nga gipagawas sa nakalabay nga tuig nga nag-ingong mubuhat lang og pagsusi sa mga akto nga sulod sa termino sa impeachable officials o boot pasabot sa kadtong besi presidente na si Inday Sara.
Sumala pa ni Atty. James nga kung ipadayon gayud kini sa maong komitiba, seguradong mo-intervene niini ang Supreme Court.
Una nang gihulagway sa abogado ang kataw-anan ang pagpresentar kang Ramil Madriaga sa impeachment hearing tungod sa daghang mga inconsistencies og kadudahang features sama sa gipakitang checke nga gihatag matud pa ni Kanhe Pangulong Rodrigo Duterte ngadto kang Makdriga .
Kini tungod kay nakapetsa kini og 2023 kansa dili ni pangulo si Digong. Anaa pa ang painting nga dunay miangkong artist nga siya ang naghimo niini og giregalo kang Vice President Duterte nga sukwahi sa gisaysay ni Madriaga nga siya ang naghatag sa besi presidente.
Nasubo pa si Atty. Reserva sa dihang gibalikan ang nahitabo niadtong 2022 nga gikalambigitan sa Madriaga Kidnap for ransom group nga nakapatay og pulis samtang napriso si Ramil Madriaga.
Apan sa karun gihimo na hinoon siyang witness samtang ang namatay aron mahimong malinawon ang palibot, ilang gikalimtan.
