BUTUAN CITY – Mas miinit karun ang kompetisyon sa MGI All Stars human gianunsyo ang pag-apil ni Sthefany Gutierrez, nga nahimong second runner-up ni Catriona Gray sa Miss Universe 2018.
Sa iyang profile isip kandidata, gidayeg si Sthefany sa iyang “poise, intelligence, ug charisma,” lakip na usab sa iyang dedikasyon ug disiplina sa kalibutan sa pageantry.
Sa nasangpit nga kompetisyon sa Miss Grand International All Stars, maka-agbat niya ang uban pang beteranang beauty queens gikan sa nagkadaiyang nasud lakip ang lima ka representante gikan sa Pilipinas nga sila Imelda Schweighart, Gazini Ganados, Fuschia Ravena, Alexia Nuñez, ug Keylyn Trajano.
Lahi ang format sa MGI All Stars kumpara sa regular nga Miss Grand International, nga kasamtangang reining queen sa Pilipinang si Emma Tiglao.
Ang All Stars edition sa MGI abli alang sa mga kababayen-an ug transgender women nga dunay edad 20 hangtud 40 nga kanhe nang miapil sa international pageants apan wala pa nasakmit ang korona.
Nakatakda ang coronation night sa MGI All Stars sa May 30 nga himoon sa Thailand diin mag-agbat ang mga iladong kandidata.
