BUTUAN CITY – Ipa-uli sa Commission on Audit kon COA ang 375-milyunes pisos nga confidential funds sa Office of the Vice President kon OVP alang sa entiro tuig 2023 tungod sa wala pag-comply sa mga gipangayong liquidation ug justification, rason sa gi-isyu nilang notice of disallowance.
Sa pag-atubang ni Atty Gloria Camora – auditor sa Intelligence and Confidential Funds Audit Office (ICFAO) sa Commission on Audit sa gihimong clarificatory hearing sa House Justice Committee kagahapon kalabot sa impeachment case ni Vice President Sara Duterte, gikumpirma sa abogado nga ang paggamit tag-125 milyunes pisos nga quarterly nga confidential fund sa OVP sa tuig 2023, wala makasunod sa mga regulasyon ug kinahanglan nga ibalik sa National Treasury.
Gipaklaro pa ni Rep Antonio Tinio kang Atty Camora kung kini gawas pa sa gi-deny na sa COA nga apela sa OVP kalabot sa 73-milyunes pisos nga parte usab sa katapusang quarter nga confidential fund alang sa tuig 2022 tungod sa kawala pa’y nadawat nga liquidation o justification sa saktong gigamitan niini.
Ang pamahayag ni Camora, giklaro ni Justice Committee chair Rep. Gerville Luistro nga sa mata sa COA, kinahanglang i-uli o ibalik sa Office of the Vice President ang nasangpit nga confidential funds tungod sa kawala’y igong basehan sa paggamit niini.
Alayon niini, gihangyo ni Luistro si Atty Camora nga isubmite sa ilang komite sulod sa tulo ka mga adlaw ang kopya sa pag-deny sa Commission on Audit sa apela kalabot sa confidential fund sa OVP alang sa 14th quarter sa tuig 2022.
Apil usab sa ilang isubmite ang kopya sa noticeS of disallowance base sa Joint Circular 2015-01 kalabot sa paggamit sa confidential funds alang sa una, ikaduha ug ikatulong quarter sa tuig 2023.
