BUTUAN CITY- Mahimong epektibo na nag gipatumang blockade sa Estados Unidos sa mga pantalan sa Iran sa may alas 10 Estimated Time kon alas‑2 sa hapon GMT kon Greenwich Mean Time o alas‑3 sa hapon BST kon British Summer Time human gipahibalo ni Presidente Donald Trump nga sugdan kini sa maong oras.
Sa iyang social media post, gipahimangnoan niini nga bisan unsang Iranian “fast attack ships” nga mosulay duol sa blockade automatikong ma-eliminate gilayon.” Sa laing bahin, gitubag usab sa Speaker sa Parlamento sa Iran nga dili sila “mosurender ilawom sa hulga,” ug hangtod karon wala pa’y opisyal nga tubag sa pinakabag‑ong pamahayag ni Trump.
Gani nagpagawas usab og advisory ang UK Maritime Trade Operations (UKMTO) nga posibleng makasinati og “military presence” ug “right‑of‑visit procedures” ang mga barko nga molabay sa rehiyon.
Sumala pa ni Trump nga ang maong kapakyasan tungod kay dili mosalikway ang Iran sa “nuclear ambitions,” samtang giakusahan sa Iranian foreign minister ang US sa “pag-usab-usab sa kondisyon.”
