BUTUAN CITY – Dili excited ang halos katunga sa mga amerikano sa nahimong misyon sa Artemis II ngadto sa buwan. Nasayrang malampuson nga mihagsa sa kadagatan ang kapsola nga gisakyan sa 4 ka crew sa Artemis II kaganinang alas 8:07 sa buntag oras sa Pilipinas.
Sa pakighinabi kang Ferdie Nakila, Bombo International News Correspondent sa California, gibutyag niining wala masayud sa Artemis II ang iyang mga estudyante sa dihang mihimo siya og survey kaganinang buntag.
Mas daghan usab ang wala masayud o kaha dili excited sa maong misyon tungod sa daghang rason.
Una niini ang kadaghan sa kagubot karun sa kalibutan nga maoy unang makita kaysa misyon ngadto sa buwan og ang kawalay significant nga nakita niini ilabina kay igo ra kini mituyok sa buwan sukwahi niadtong 50 ka tuig na ang milabay nga mitugpa gayud sa buwan ang tawo.
Nakitang rason usab ni Nakita nganung wala na-shock ang mga amerikano sa gihimong Artemis II tungod sa krises karun nga nasinatian diin sa Amerika, misaka gihapon ang presyo sa produktong lana og average usa ka dolyar.
Ang maong misyun matud pa nga gigastuhan og dakong kantidad dili makatabang sa kamahal karun sa presyo sa uban pang palaliton.
