BUTUAN CITY – Gipaneguro sa Department of Energy (DOE) nga igo ang suplay sa lana sa nasud sa 50 ka adlaw samtang gilauman ang pag-abot sa dugang buffer stocks karung buwan sa Abril.
Sigon ni DOE Undersecretary Sandy Sales, anaa sa 900-mil ka barrels sa lana ang naka-iskedyul nga miabot karung buwan sa Abril.
Lakip niini ang unang 300-mil ka barrels nga gilaumang muabot adiser mag-Abril 10 nga gikan sa Malaysia samtang duha pa ka shipment ang musunod nga muabot gikan sa North Asia ug India.
Sigon usab ni Energy Secretary Sharon Garin nga ang buffer stocks gikuha sa ilalom sa Emergency Energy Security Program, ug dunay igo pang panahon ang nasud aron magdugang og suplay kung gikinahanglan.
Base sa datos sa DOE, ang kasamtangang suplay sa gasolina, diesel, ug uban pang produktong petrolyo muabot gikan sa 47 hangtud sa kapin 100 ka adlaw, depende sa klase niini.
Bisan paman niini, nagpabiling taas ang presyo sa lana sa Metro Manila ug uban pang urban areas diin ang gasolina anaa tali sa P87.90 hangtud sa P104.10 kada litro samtang ang diesel usab misaka na hangtud sa P154.20 ang kada litro.
