BUTUAN CITY- Giklaro sa kampo ni Coco Martin nga ‘walay kalabotan ang aktor sa bisan unsang klase sa sugal o online gaming platforms nga mingkuyanap online ug gi-inisistar nga wala niini gi-indorso.
Sa usa ka pamahayag sa CCM Film Productions niadtong Miyerkules sa gabii sa social media, gipasiugda nga bisan unsang endorsement, post sa social media, o materyales nga nagpakita sa pangalan, hulagway, o bisan unsang koneksyon kang Coco sa gambling dili awtorisado ug malimbongon.
Gipahimangnuan usab sa kampo ang publiko nga mahimong magbinantayon ug likayan ang paglakip sa susamang klase sa scam promotion.
Si Coco, nga na-ila sa mga sikat nga teleserye, kasamtangang nangandamalang sa bag-ong serye niini, kauban ang iyang partner nga si Julia Montes.
Una niini, sigon sa Cybercrime Investigation and Coordinating Center (CICC) nga adunay mga suspetsa ang mga ahensya sa gobyerno nga adunay pipila ka mga celebrities ug influencers nga nalambigit sa pagkuyanap sa ilegal nga online gambling.
