BUTUAN CITY – Nadakpan ang walo ka tawo nga nagkidnap sa American rapper nga si Gucci Mane.
Sumala sa prosecutor, ang nag-unang suspek usab usa ka rapper nga si Pooh Shiesty, o si Lontrell Williams Jr sa iyang tinuod nga kinabuhi.
Gisulod niya ang usa ka panagtigom diin didto si Mane ug gipugos kini sa pagpirma og dokumento nga nag-ingon nga mobiya siya sa kontrata.
Si Gucci Mane usa ka Atlanta-based artist nga nakatrabaho na nila sila Doja Cat, Usher, ug Drake kauuban sa uban pang mga sikat nga artista.
Gitukod niya ang iyang label nga 1017 Records niadtong 2007, diin mipirma si Williams isip artist niadtong 2020.
Walo sa siyam ka suspek nadakpan sa Dallas, Memphis, ug Nashville.
Gilauman nga mo-file sila og not guilty plea ug kon mapamatud-an ang kaso, mahimo silang sentensyahan og pagkabilanggo.
Aduna pay usa ka suspek nga padayon pang gipangita sa mga awtoridad human kini nakaikyas.
