BUTUAN CITY – Giplastar sa mga personahe sa Butuan City Jail – Male Dormitory, ilalom sa kadumalahan ni City Jail Warden JCINSP DIOVIN C AUZA og SJO1 Gladys B Madrid, ALS Implementer, ang pagtambong sa tulo ka Persons Deprived of Liberty kon PDl sa ilahang Senior High School Graduation Ceremony alang sa Batch 2026 sa Libertad National High School, nga gihimo sa Father Saturnino Urios University – Morelos Campus, Libertad, Butuan City.
Sa simple apan mahinungdanon nga seremonya, gipamatud-an sa mga graduates nga pabiling posible ang edukasyon bisan paman sa ilang kasaypanan sa kinabuhi.
Ang presensiya sa mga opisyales gikan sa DepEd Butuan City Division sa pagpanguna ni Schools Division Superintendent Mrs. Minerva T. Albis kauban ang mga representate sa Barangay Libertad Council og faculty and staff sa Libertad National High School, nagdugang sa ka-anindot sa okasyon sa dihang mipa-ambit sila sa ilang mga mensahe nga pagdasig og pag-ila sa pagpaningkamot sa mga migradwar.
Subay sa temang “The Filipino Graduates: Prepared to Lead with Competence and Character,” ang seremonya nahimong mas labaw pa sa slebrasyon sa pagtapos kundi usa usab ka pahimangno nga posible sa kanunay ang kausaban.
Ang kalampusan sa tulo ka PDL mamahimong dakong lakang ngadto sa ilang kabag-ohan nga gipamatud-an sa opurtunidad, suporta og determinasyon.
