BUTUAN CITY – Gimanduan sa Department of Energy ang Liquified Petroleum Gas kon LPG Terminal kon importers nga mag-secure og daghang LPG aron musaka ang buffer stock sa nasud. Sigon ni LPG Marketeers Association kon LPGMA President Arnel Ty, prayuridad karon sa kagamhanan ang pagpadaghan sa supply sa LPG ilabina nga hurot-hurot na ang supply niini sa mga silingang nasud sa India ug Vietnam.
Target sa gobyerno nga wala’y matalang shortage niini sa musunod nga 45 ka mga adlaw samtang padayon ang pagpangita og laing kuhaanan niini aron mas madugangan pa ang supply.
Gibutyag niini nga dakong isyu na karon ang prenisyuhay sa LPG tungod kay ipaagi na sa bidding sa procurement system sa international market sukwahi sa na-andan nga ang presyo lang nga ipagawas sa Saudi Aramco ang gibasehan.
Nasayrang ang mga traders sa Asya mukuha og supply sa Amerika, Australia ug Africa nga gi-bid sa mga nasud sa Asya nga nanginahanglan og supply.
Tungod niini, musaka ang presyo sa LPG ngadto sa ₱1,500 matag-tangke ugmang adlawa, Miyerkules.
