Celine Dion, gianunsiyo ang subling pagpahigayon og mga konsiyerto

BUTUAN CITY – Gi-anunsiyo sa beteranang singer nga si Celine Dion ang iyang pagbalik sa paghimo og mga konsiyerto.

Sa iyang social media account, magpahigayon siya og 10 ka konsiyerto sa Paris sugod sa Setyembre hangtod Oktubre.

Gihimo niya ang anunsyo dungan sa pagsaulog sa iyang ika-58 nga adlaw’ng natawhan niadtong Lunes.

Sumala pa ni Celine Dion nga giisip niya kini nga regalo sa iyang kaugalingon ang pagbalik niya sa entablado.

Hinumdoman nga kapin sa usa ka tuig siya wala makatukar o makatindog sa stage tungod kay naigo siya og talagsaong neurological disorder.

Gipaambit usab sa singer sa iyang social media ang mga poster sa iyang mga show nga ipahigayon sa Paris.