BUTUAN CITY– Gipanghimatuud ni France Castro, kanhi representative sa ACT Teachers Partylist, nga insakto matud pa ang proseso nga gihimo sa House Committee on Justice kalabot sa impeachment complaint batok kang Vice President Sara Duterte tungod kay kini nagsunod sa konstitusyon, sa mga lagda sa Kamara ug sa pinakabag-ong desisyon sa Korte Suprema bahin sa due process.
Apan sumala pa niini, nga dili insakto ang pag-file og TRO sa kaalyado ni Vise Presidente Sara Duterte aron pugngan ang impeachment process, diin asa kinahanglan matud pa nga makita ang kamatuoran ug ebidensya nga maghatag og probable cause sa Senado.
Gipasabot pa ni Castro, nga ang House Committee on Justice mao ang naglihok isip prosecutor sa impeachment ug kinahanglan una nga mahan-ay ang ebidensya sa Kamara sa dili pa kini ipasa sa Senado alang sa pormal nga pagtaral.
Dugang pa ni Castrom, nga nagsugod ang tanang kalibog dihang mingbutyag matud pa si Gerville Luistro atol sa usa ka interview og “mini trial”, inay personal nga opinyon lamang ug wala’y opisyal nga basehan.
Matud pa niini, nga ang Committee on Justice nagasunod sa hustong proseso sa Kongreso ug ang paggamit sa pulong “mini trial” usa lang ka pagdula sa mga pulong aron litohon ang publiko. Gipasiugda usab ni Castro, nga daw nagpakita ang kampo sa Bise Presidente nga adunay gitago o gipangtabonan nga kamatuoran ug gusto nga malikayan ang pagpanubag ug accountability sa impeachment process.
