BUTUAN CITY – Anaa karon sa heightened alert ang Philippine Coast Guard (PCG) sugod pa ning mi-aging adlaw’ng Sabado Marso 28 hangtud Abril 5 isip kabahin sa Oplan Biyaheng Ayos karong Semana Santa 2026 aron masiguro ang kaluwasan sa mga biyahero sa mga pantalan sa entiro rehiyon.
Sa datos sa PCG, miabot na sa 176,681 ka mga outbound passengers ug 166,357 ka mga inbound passengers ang natala sa tanang pantalan sa tibook nasud.
Gawas niini, naghimo usab og beach Pre-Safety Inspections and Safety Awareness activities ang mga sakop sa Coast Guard Station Dinagat Islands, sa Brgy. Sta. Cruz, San Jose, Dinagat Islands, aron masiguro ang kaluwasan ug malikayan ang bisan unsa mang insidente sa pagkalumos karong Semana Santa ug panahon ng bakasyon.
Kabahin kini sa gipatuman nga Intensified Community Assistance, Awareness, Response, and Enforcement (ICARE) Program, aron ma-alerto ang publiko ug ma-abisohang mag-amping ug musunod sa mga safety protocols.
