BUTUAN CITY – Mitaliwan na sa edad nga 43-anyos ang South Korean actor nga si Lee Sang‑bo.
Nakaplagan nga wala nay kinabuhi si Lee sa nakalabay nga adlaw human giadtu sa kapulisan ang tawag gikan sa iyang pamilya.
Sa pagkakaron, padayon pang giimbestigahan ang hinungdan sa iyang kamatayon.
Sumala sa iyang management nga Korea Management Group, gisusi pa ang dugang detalye kabahin sa iyang pagtaliwan.
Nasayrang dunay hapit duha ka dekada nga karera si Lee sa industriya sa telebisyon ug pelikula sa Korea, diin kasagaran supporting roles ang iyang nahimo.
Nagsugod siya niadtong 2006 sa The Invisible Man ug mipakita sa lain-laing drama sa telebisyon, lakip ang Miss Monte‑Cristo nga maoy iyang unang major role.
Niadtong 2022, nabilanggo siya tungod sa giingong paggamit og dili prescribed nga mga tambal, apan gipagawas siya nga walay kaso human masusi sa kapulisan ang iyang medical records nga nagpamatuod nga nag-inom siya og prescribed medication alang sa iyang mental health.
Nagpahayag og pahasubo ang iyang mga fans, kauban sa industriya, ug uban pang personalidad sa entertainment industry tungod sa iyang sayo nga pagtaliwan.
Padayon ang imbestigasyon sa insidente ug gilauman nga maghat
