BUTUAN CITY – Naniguro karon ang Office of the Ombudsman sa paghimo og saktong lakang nga himuon kalabot sa pagpasaka og kaso batuk kang Vice President Sara Duterte, samtang padayon ang ilang imbestigasyon sa mga reklamong giduso sa maong buhatan.
Sigon ni Ombudsman Jesus Crispin ‘Boying’ Remulla, duna pa sila’y gitun-an samtang nagpadayon usab ang imbestigasyon ilabina ang probisyon sa balaud aron maklaro kung mahimo bang kasuhan ang besi presidente.
Sigon sa kalihim, base sa posisyon sa Department of Justice, ang immunity from suit, angayan lang sa naglingkod nga presidente sa nasud.
Dinhi na gipasabot ni Remulla ang mga lakang nga himuon sa ilang buhatan adiser masuta ang posibleng lakang nga himuon batuk sa besi presidente base na usab sa mga ebidensya ug dili sa pulitika.
Samtang tungod kay duna’y nagtunhay nga impeachment case batuk sa besi presidente, giklaro usab ni Assistant Ombudsman Mico Clavano nga posibleng ilang i-refer sa Kongreso ang findings sa mga kaso.
Kini higayong matapos na ang ilang pagkuha pa og dugang mga ebidensya.
