BUTUAN CITY – Dakong hagit karun alang kang Israeli Prime Minister Benjamin Netanyahu ang posibleng bag-ong panag-estorya tali sa Estados Unidos ug Iran samtang nagpadayon ang giyera sa rehiyon.
Nag-ugat kini sa dihang nagpahayag si U.S. President Donald Trump nga abli siya sa bisan unsang negosasyon sa Iran aron maminusan ang tensyon lakip na ang paghisgut sa mga limitasyon sa nuclear ug ballistic missile programs sa Iran, nga gilimod usab sa Tehran.
Samtang nagpabilin ang Iran sa ilang posisyon, nga nag-demand og mga compensation ug garantiya adiser makig-estorya sa Amerika.
Sumala sa mga analyst ”under pressure” si Netanyahu, nga gikonsiderang nahimong nag-unang nagbitbit sa agresibong kampanya batuk sa Iran.
Sigon ni Michael Milstein, kanhe military intelligence officer sa Israel ug karun head sa Palestinian Studies Centre sa Tel Aviv University nga gisulayan ni Trump ang negosasyon nga wala nahiuyon sa katuyuan sa Israel nga mamahimo matud pang magpalisud kang Netanyahu sa pagpatuman sa iyang strategy dungan ang pagpabilin sa suporta sa publiko.
Samtang gibalanse sa Amerika ang diplomasya ug padayon nga presensya sa militar niini sa Middle East, nagpabiling mas agresibo ang posisyon sa Israel sa rehiyon.
Kini human gianunsyo ni Israeli Defence Minister Israel Katz nga magtukod sila og halapad nga security zone sa South Lebanon hangtud sa Litani river isip kabahin sa ilang kampanya batuk sa grupong militante nga Hezbollah, nga gisuportahan matud pa msa Iran.
