BUTUAN CITY – Nagpagawas og dakong hulga si US President Donald Trump batuk sa Iran diin gihatagan niya ang Tehran og duha ka adlaw aron subling ablihan ang Strait of Hormuz o pulbuspn sa Amerika ang ilang mga planta sa kuryente.
Sa iyang post sa Truth Social, gipamugos ni Trump nga bungkagon sa militar sa Amerika ang mga power grid sa Iran, gikan sa pinakadako, kung dili hingpit nga tugutan ang pag-agi sa mga barko sulod sa 48 oras.
Ang nasangpit nga tensyon nag-ugat sa de facto blockade sa Iran sa nasangpit nga hoot nga dalang gi-agian sa 20 porsyento sa lana sa tibook kalibutan rasong misaka ang presyo niini sa kapin 100 dolyares kada bariles.
Isip balos, nagpasidaan usab ang militar sa Iran nga targeton nila ang mga energy ug desalination infrastructure sa Amerika sa rehiyon kung ipadayon ni Trump ang iyang hulga.
Bisan paman sa pagsutoy sa presyo sa krudo ug palaliton, gikaminusan ni Trump ang estratehikong kamahinungdanon sa Strait of Hormuz sa US ug gika-ingong ang taas nga kantidad sa lana gamay lang nga sakripisyo” para sa pangkalibutanong seguridad.
Sa ikatulong semaan sa giyera nga gilusad sa US ug Israel, miabot na sa kapin 1,500 ang namatay sa panig sa Iran samtang 13 usab sa mga sundalong Amerikano.
