BUTUAN CITY- Satisfied ang Act Teachers Partylist sa pagdeklara sa Committee on Justice nga Sufficient in Grounds ang ika-3 ug ika-upat nga Impeachment Complaint batok kang Vice President Sara Duterte.
Sumala ni Kanhi Act Teachers Partylist Representative France Castro, nga satisfied kini sa nahimong resulta tungod ang Sufficient in Grounds anaa na matud pa ang sa constitution nga grounds for impeachment ingon man ang betrial of public trust ug high crime. Sigon pa niini, nga sufficient ang mga ibidenysang gipang pasa.
Dugang pa ni Castro, nga pakyas si Vice President Sara Duterte sa paghatag og substantial nga tubag sa 16 ka panid nga gisumite kabahin sa impeachment complaint nga gipasaka batok kaniya, ug gihulagway kini nga walay unod ug walay lig-on nga basehan.
Matod ni Castro, walay kamatuoran ang giangkon ni Duterte nga paglapas sa due process, kakulang sa “ultimate facts,” ug ang giingong double-standard kon itandi kang President Ferdinand Marcos Jr..
Gipasiugda usab ni Castro, nga gihatagan si Duterte og igong panahon ug adunay daghang maga bugado aron tubagon ang matag isyu apan wala kini matuman.
Gani, ang mga mahinungdanong ebidensya, lakip na ang isyu sa confidential funds ug mga kontrobersyal nga pamahayag nga nakit-an sa video, gipresentar na kaniadto sa mga pagdungog sa House Committee on Good Government and Public Accountability.
Matod pa ni Castro, walay basehan ang alegasyon sa dili patas nga pagtratar, ug bisan pa gani ang ilang kaugalingong reklamo wala maapil tungod sa gika-ingong paglapas sa 1-year bar rule, midawat gihapon sila sa proseso tungod nalakip matud pa ang ilang mga isyu sa giendorso nga mga reklamo.
Sigon pa niini nga ang tubag ni Duterte nagpakita og paglikay ug mahimong mosangpot sa pagpasaka na usab og bag-ong impeachment complaint.
