BUTUAN CITY – Wala natago ni US President Donald Trump ang iyang pagkadismaya sa United Kingdom.
Kini tungod kay dili sila motabang sa giyera batuk sa Iran.
Partikular nga gitumbok sa US President ang personal nga pagkigpulong niini kang British Prime Minister Keir Starmer diin mibalibad kini nga magpadala og mga kagamitang militar sa Middle East.
Gipanghinambog usab niini nga ang UK maoy hugot nga kaalyado sa US diin dako ang gigasto sa Amerika sa North Atlantic Treaty Organizaiton kon NATO.
Gi-angkon usab ni Trump nga wala siya’y kahibalo kung buhi pa o patay na ang supreme leader sa Iran nga si Mojtaba Khamenei tungod kay wala pa kini nagpakita og personal sukad nga mihulip siya sa puwesto.
Una nang gibutyag ni Trump nga anaa sa 90 porsiento na ang naguba sa US ug Israel tungod sa padayon nga pag-atake.
Nagtoo usab si Trump nga dili gamiton sa Israel ang ilang nuclear weapons sa pagbatuk sa Iran.
