BUTUAN CITY- Nanawagan si Senator Erwin Tulfo nga siguraduhong makapahimulos usab ang milyones ka mga motorista sa planong suspensyon sa excise tax sa petrolyo nga giduso sa gobyerno aron makuhaan ang epekto sa taas nga presyo sa lana.
Sa hearing sa Senate Committee on Ways and Means niadting Marso 11, mipasi-daan si Tulfo batok sa posibilidad nga diesel lang ang lakip sa tax relief.
Matud pa, posibleng mabiyaan ang motorista, nga gasolina ang gigamit, kung limitahan lang sa diesel ang sakop sa suspensyon sa excise tax.
Sigon pa senador, gibana-banang anaa sa 8.5 milyon ka Pilipino ang minggamit sa motorskilo matag-adlaw isip nag-unang transportasyon pasulod sa trabaho o isip pangkinabuhi-an.
Isip tubag, sigon ni Usec. Karlo Adriano sa Department of Finance nga ikonsiderar sa Development Budget Coordination Committee ug sa Department of Energy (DOE) ang sugyot aron adunay mas komprehensibo nga rekomendasyon alang sa Presidente.
Samantala, mipasi-daan usab si Tulfo batok sa posibleng pamulitika pinaagi sa fuel subsidy. Gipasi-ugda sa senador nga dili gamiton sa mga politiko ang krisis sa presyo sa lana alang sa kaugalingong interes.
Matud pa, gikan sa buhis ang kwarta nga gipanghatag sa katawhan mao nga kinahanglang walay bisan unsang interbensyon sa mga pulitiko sa pagpang-apod-apod niini.
