-- ADVERTISEMENT --
BUTUAN CITY – Nabag-o na ang posisyon sa gobyerno sa France ug nagdesisyong hingpit nang ipadala ang ilang nuclear-powered aircraft carrier nga Charles De Gaulle ngadto sa Eastern Mediterranean aron depensahan ang ilang pwersa ug mga kaalyado batok sa sunod-sunod nga pag-atake sa Iran.
Gipahibalo ni French President Emmanuel Macron ang direktiba human na-igo sa Iranian drone strikes ang usa ka hangar sa French naval base sa United Arab Emirates (UAE) ug usa ka British airbase sa Cyprus.
Sa sinugdanan, ang France naglikay nga mu-apil diretso sa ginahimong Operation Epic Fury sa Amerika ug Israel kontra Iran.
Apan napugos kini nga magpadala ug pwersa tungod sa direkta nga hulga sa ilang mga assets sa rehiyon.
