BUTUAN CITY – Subling gitarget pag-usab sa Estados Unidos ug sa Israeli Military Forces ang mga fuel depots sa Iran ning domingo, Marso 8 human ang pipila ka mga kusog nga pagbusikad ug pag-ulbo sa kalayu sa siyudad sa Tehran.
Sumala sa Israeli military, ang pagbomba sa mga oil storage facilities sa Iran kabahin sa matud pa “next phase of war” tungod kay usa matud pa kini sa mga nagsuplay og krudo sa military forces sa Iran nga maoy tumong nga palawmon pa ang damyos sa military infrastructure sa nasangpit nga nasud.
Una niini gitarget usab sa Israel ang dakong ihap sa mga fuel storage facility sa nasangpit nga nasud niadtong Marso 7.
Kini alayon sa nahimong pamahayag ni United States President Donald Trump nga mihangyu sa Iranian government sa ‘unconditional surrender’ ug gibutyag nga matapos lang ang giyera tali sa mga nasud kung musurender na ang Iran o hangtud sa dili na mogana ang ilang military forces.
Una niini, nangayu usab og pasaylo si Iranian President Masoud Pezehkian sa kasikbit niining nasud nga parte sa Gulf States tungod sa sunod-sunod nga missile attacks.
Matud pa niini, mas maayong dili magpasakop o mahimong dulaan ang mga Gulf nations sa imperyalismo sa Estados Unidos ug mahimong instrumento aron targeton ang ilang mga teritoryo.
Gipahayag usab sa Top Iranian Official Ali Larijani nga pagabayaran sa US ang ilang mga nahimong aksyon ug bisan ang ilang pagsugod sa giyera sa Middle East.
