BUTUAN CITY – Nag-iyahay na og tagna ang mga netizens kung kinsa ang gipasabot ni Vice President Sara Duterte nga usa ka magbabalaud nga sakop sa House Justice Committee nga baga og nawong.
Kini human gibulgar sa besi presidente nga ang maong magbabalaud duna’y utang nga 8-milyunes pisos ngadto sa iyang bana rason nga matag-higayong makita nila kining mamulong ug mangdaut kaniya, dili nila malikayan nga magkatawa tungod sa kapursigido niining mutira kaniya taliwa sa kadako sa utang niini ngadto sa iyang bana.
Tungod niini, daghan ang nagbutyag nga hayan paagi kini sa maong magbabalaud aron dili na siya suktan sa iyang utang.
Gipasabot usab ni VP Sara nga dili pa madeklara sa Statement of Assets ang Liabilities kon SALN ang maong kantidad tungod kay utang pa kini ug wala pa bayari.
