BUTUAN CITY – Padayon karun ang pagpatuman sa Butuan City Central Fire Station sa mga aktibidadis may kalabutan sa pagsaulog sa Fire Prevention Month ning bulan sa Marso.
Sigon ni FO3 Cathy Castillo, Officer-in-charge sa Information section sa Butuan City Central Fire Station nga karung domingo, Marso 8 dunay himoong BFP Run sa Cabadbaran City diin abli kini sa tanang gusto moapil og seguradong salmotan sa mga kabomberohan.
Sa Marso 9 usab maghost ang Butuan City Central Fire Station sa flag raising ceremony sa Butuan City Hall diin ila usab nga epakita kung unsa ang trabaho sa matag uniporme nga ilang gisoot.
Sa Marso 10 himoon usab ang tree planting activity sa may Barangay Lumbucan diin ang CENRO ang magdetermina kung asa sila magtanom.
Sundan kini sa feeding activity sa mga bata sa Home For the Boys nga idungan usab ang fire drill pinaagi sa mga personahe sa Ampayon fire sub-station.
Sa Marso 12 usab dunay himoong Zumba sa event center sa SM Mall ning siyudad sa Butuan pasado alas 4:00 sa hapon samtang pagka-ugma Marso 13 himoon ang community run bandang alas 4:00 sa buntag diin 7 ka kilometros ang daganon nga magsugod sa SM Butuan og matapos usab sa maong dapit.
Samtang sa ikatulong semana dunay pagahimoon nga Junior Fire Olympics diin dinhe sa siyudad mosalmot ang Butuan City Central Elementary School tungod kay kini lang man ang tunghaan nga dunay fire brigade.
Una nang gipasabot ni FO3 Cathy Castillo nga gihimo ang National Fire Prevention Month sa matag Marso tungod kay ning bulana nasinatian ang grabe nga ka-init diin daghan usab ang natigayong sunog.
Alayon niini, mihangyu ang opisyal sa tanang katawhan nga timan-an ang fire safety tips aron makalikay sa sunog.
Kini dayung pa-ambit kung unsay kasagaran hinungsan sa natigayong sunog.
