BUTUAN CITY – Sa ikaduhang higayon, subling mibotar si Butuan City Congressman Jose ‘Joeboy’ Aquino II pabor sa pagdetermina nga sufficient in substance ang impeachment complaints batuk kang Vice President Sara Duterte.
Kini human girekognisa ni House Justice Committee chairman Gerville Luistro ang pagbalik niya sa pagdungog ka-uban sila Gabriela Women’s partylist Rep Sarah Jane Elago ug Tutok to Win Party-list Rep Jose ‘Bong’ Teves Jr, adiser gisugdan ang botohay.
Madumdumang sa 76 ka mga miyembro sa komite sa kasamtangang 20th Congress, 55 ang nakabotar kondiin bugtong si Quezon City Rep. Jesus “Bong” Suntay lang ang nag-no sa botasyon.
Gipadayag pa ni Luistro nga nasabtan niya ang lisod nga tahas sa mga membro sa komite rason nga iyang gidayeg ang ilang ka-isog ilabina sa mga nangbotar.
Una nang gipadayag ni Congressman Joeboy Aquino sa iyang manifestation nga si VP Sara Duterte, bisan og dili impeachable ang pagka-kalihim niini sa Department of Education kaniadto, apan mao ra gihapon matud pa kini nga personalidad nga gi-akusahang nangurakot, nagbahad nga mupatay sa first family.
