BUTAN CITY- Gipadayag ni President Ferdinand Marcos Jr. nga gitun-an na sa gobyerno ang usa ka sugyot-balaodnon nga maghatag og gahom sa Presidente sa temporaryong pag-ubos sa excise tax sa produktong petrolyo kon molapas sa $80 matag bariles ang presyo sa Dubai crude sa world market.
Sumala sa Presidente, nga ang maong lakang usa ka emergency measure kansa hisgutan pa uban sa liderato sa Senado ug Kamara aron dali nga matubag ang padayon nga pagsaka sa presyo sa lana.
Giklaro sa Pangulo nga dili kini permanente ug kuhaon dayon kon moluwas na ang krisis.
Samtang, ang Department of Energy nag-koordinar na sa mga kompanya sa lana aron ang posibleng dugang-presyo ipatuman sa staggered o hinay-hinay nga paagi, aron malikayan ang kalit nga pagsaka sa presyo nga makaapekto sa mga mamumuo ug konsumidor.
Gisiguro usab sa Pangulo nga nag-andam ang gobyerno og interventions aron mapagaan ang epekto sa posibleng oil price hike sa publiko.
