BUTUAN CITY- Gihisgutan pag-ayo sa mga lider sa Kamra ang gi-ingong dagan sa P125 million nga Confidential funds sa hearing sa House Committee on Justice kalabot sa ika-3 nga impeachment complaint batok kang Vice President Sara Duterte.
Atol sa Hearing kagahapon, sigon ni Manila Rep. Joel Chua nga posibleng wala gilayoy makita nga irregularidad sa pagbalhin sa pondo sa Office of the Vice President kon OVP, tungod parte kini sa responsibilidad sa ahensya nga mag-disburse og pondo ug moperma sa kinahanglang dokumento.
Bisan paman, gihisgutan usab niini ang alegasyon sa reklamo nga ang P125 miliyon gibutang sa igo nga traveling bags ug gidala sa OVP sa usa ka adlaw.
Sumala sa reklamo, gimando matud pa sa Bise Presidente kang Special Disbursing Officer Gina Acosta nga ipagawas ang kantidad pabor kang Raymund Lachica, hepe sa iyang security group.
Gani gikwestyon pa ni Chua ang papel ni Lachica sa nasangpit nga pondo ug kung aduna bay kinahanglang makita nga diperensya sa maong transaksyon.
Gihisgutan usab niini ang affidavit ni Ramil Madriaga, kansa gihulagway niini nga bagman sa Bise Presidente, kung asa nakadetalye matud pa ang gika-ingong distribusyon sa pondo.
